တွက်နည်းကတော့ လွယ်ပါတယ်ဗျာ။ ခင်ဗျားရဲ့ အိမ်ထောင်ပြုမယ့် အသက် နဲ့ ခင်ဗျားက ဘာနေ့သားလဲ။ အဲဒီနေ့ရဲ့ ဂြိုဟ်သက်ရယ် ပေါင်းလိုက်ပေါ့။ ပြီးရင် အဲဒီပေါင်းလို့ရတဲ့ ကိန်းကို (၇)နဲ့ စားလိုက်။ ဒါဆိုရင် ဘာကြွင်းလဲ။ အကြွင်းအတိုင်း ကြည့်ပြီး ခင်ဗျား ဘယ်အသက်အပိုင်းအခြားမှာ အိမ်ထောင်ပြုရင် ဘယ်လို မိန်းမ မျိုးနဲ့ ရမယ်ဆိုတာ တွက်ကြည့်လို့ရပြီ။
ဂြိုဟ်သက်ကတော့ လွယ်ပါတယ်။
တနင်္ဂနွေ (၆) ၊ တနင်္လာ (၁၅) ၊ အင်္ဂါ (၈) ၊ ဗုဒ္ဓဟူး (၁၇) ၊ ကြာသပတေး (၁၉) ၊ သောကြာ (၂၁) ၊ စနေ (၁၀)
ဥပမာဗျာ- အသက် (၃၅) နှစ်ရှိတဲ့ ဗုဒ္ဓဟူးသား တစ်ယောက် အိမ်ထောင်ပြုမယ်ဆိုရင် ဘယ်လို မိန်းမမျိုးကို ရမှာလဲဆိုတာ တွက်ကြည့်ကြည့်ရအောင်။ သူ့ရဲ့အသက် (၃၅)နှစ်နဲ့၊ ဗုဒ္ဓဟူးဂြိုဟ်သက်(၁၇) နဲ့ပေါင်းလိုက် (၃၅+၁၇=၅၂) အဲဒီ (၅၂)ကို (၇)နဲ့ စားကြည့်လိုက်ရင် (၃) ကြွင်းတယ်ဗျာ။ အောက်မှာ ဖတ်ကြည့် လိုက်ပေတော့။ လွယ်ပါတယ် ။ မခက်ပါဘူး။ ဒီဟောကိန်းကိုတော့ အနာထပိဏ်သူဌေးကြီး၏ ချွေးမဖြစ်သူ “ သုဇာတာ” ကို အကြောင်းပြု၍ ဘုရားရှင်မြတ်ဗုဒ္ဓ ဟောတော်မူသော ဇနီးမယားခုနှစ်မျိုးကို အကြောင်းပြု အခြေခံ၍ ရှေးကျမ်းများတွင် “သုဇာတာဟောကိန်း” လို့ အမည်ပေးထားတာဗျဟု ပြောလိုက်လေ တော့၏။
တစ်ကြွင်းဟောကိန်း
အိမ်ထောင်ဖက်ဇနီးသည် မူလက မည်မျှစရိုက်ကောင်း၊ စိတ်သဘောထား ကောင်းသည်ဖြစ်စေ၊ အိမ်ထောင် ကျပြီးနောက် ဆိုးသွမ်းသော စရိုက်သို့ ပြောင်းသွားမည်။ မူလစရိုက် ဆိုးလျှင်ကား ဆိုဖွယ်ရာမရှိ အညံ့ကြုံမည်။ အလွန်ဒုက္ခပေးသော ဇနီမယားဖြစ်မည်။ ဆိုးယုတ်မည်။ စရိုက်ကြမ်းမည်။ မြည်တွန်တောက်တီးမှု အမြဲပြုမည်။ အကြင်နာမဲ့မည်။ ပြဿနာ အမြဲရှာနေမည်။ ကလေးနှစ်ဦးရပြီးမှ အညံ့ကင်းမည်။
နှစ်ကြွင်းဟောကိန်း
ရရှိသော ဇနီးမယားသည် ခိုးသူနှင့်တူသော မယားတည်း။ မူလအခြေအနေ စရိုက်မည်မျှ ကောင်းစေ၊ အိမ်ထောင် ကျပြီးနောက် စရိုက်ပြောင်းမည်။ လင်သားငွေကို ခိုးယူ၍ သူတစ်ပါးကို ပေးမည်။ မာယာများသော စကားကိုဆိုမည်။ ငွေသုံးဖြုန်းမည်။ လင်သားမသိအောင် အရာရာ လျှို့ဝှက်လုပ်တတ်သည်။ အိမ်ထောင်သက် သုံးလတွင် စရိုက်ပြင်လျှင်ပြင် ၊ မပြင်လျှင် (၁၅) လ ကြာမှပြင်မည်။ (၁၅) လကြာမှ မပြင်က (၃) နှစ်ကြာမှ ပြင်မည်။ သုံးနှစ်ကြာမှမပြင်ပါက ရာသက်ပန် အမြဲစရိုက်ဆိုး လွှမ်းမိုးမည်။
သုံးကြွင်းဟောကိန်း
ရရှိသော အိမ်ထောင်ဖက်သည် မူလမည်မျှ ကောင်းသောစရိုက်ရှိသည်ဖြစ်စေ အိမ်ထော်ကျပြီးနောက် စရိုက်ပြောင်းကာ သခင်နှင့်တူသော မယားဖြစ်မည်။ အလွန်ပျင်းမည်။ အတ္တကြီးသွားမည်။ မိမိအပေါ် ပြုစုယုယမှုကို နှစ်လိုမည်။ အချိန်မရွေးအမိန့်ပေး စိုးမိုးမနာလိုစိတ်များပြီး မိမိအပေါ် အပြစ်တင်မည်။ အိမ်တွင် တဆူဆူ တပူပူ လုပ်တတ်သည်။ ကွယ်ရာတွင် မိမိမကောင်းကြောင်း သူတစ်ပါးကို အတင်းအဖျင်း သဖွယ်ပြောမည်။ စရိုက်ဆိုးကို ရာသက်ပန် မပြင်တော့။
လေးကြွင်းဟောကိန်း
ကောင်းသောဇနီးအမျိုးအစားကိုရမည်။ အိမ်ထောင် မပြုမီမည်မျှဆိုးစေ အိမ်ထောင်ကျပြီးနောက် စရိုက်ပြောင်းသွားမည်။ မိခင်နှင့်တူသော ဇနီးဖြစ်မည်။ အလွန်ကြင်နာတတ်မည်။ ငွေကြေးစုဆောင်း ပေးမည်။ ယုယစွာ၊ မြတ်နိုးစွာ ဆက်ဆံမည်။ မိမိကို အကာအကွယ်ပေးမည်။ ဖေးမမည်။ ရာသက်ပန် ကောင်းမည်။
ငါးကြွင်းဟောကိန်း
မိမိအပေါ် အလွန်ကောင်းမည်။ အိမ်ထောင်မပြုမီ မည်မျှမလိမ်မိုး မလိမ္မာ ရှိစေ၊ စရိုက်ဆိုးစေ အိမ်ထောင်ကျပြီး နောက်တွင် မိမိအပေါ် အထူးကောင်းမည်။ နှမနှင့်တူသေ ဇနီးကိုရရှိမည်။ မိမ်ိအပေါ် လေးစား၊ အားကိုး၍ လိုလေသေး မရှိအောင် ထားမည်။ ရိုရိုကျိုးကျိုး ဆက်ဆံမည်။
ခြောက်ကြွင်းဟောကိန်း
မူလစရိုက် မည်သို့ရှိစေ၊ အိမ်ထောင်ကျပြီး နောက်ပိုင်း အလွန်ကောင်းမည်။ အိမ်ထောင်ဖက်ကို ကောင်းကျိုး ပေးမည်။ အဆွေခင်ပွန်းကောင်းနှင့် တူသောဇ နီးအမျိုးအစားဖြစ်၍ ဆိုးတိုင်ပင်၊ ကောင်းတိုင်ပင်ဖြစ်မည်။ ဒိုးတူပေါင်ဖက် ၊ မောင်တစ်ထမ်း ၊ မယ်တစ်ရွက် ဆောင်ရွက်တတ်သူ ဖြစ်မည်။ အခက်ကြုံက မိမိဘက်မှ ရပ်တည်မည်။
သုညကြွင်းဟောကိန်း
မူလစရိုက် မည်သို့ရှိစေ အိမ်ထောင်ကျပြီး နောက်ပိုင်းတွင် ကောင်းသော သဘာဝ ထွန်းလာမည်။ ကျွန်နှင့်တူသော မယားဖြစ်မည်။ အိမ်ထောင်ဖက်အပေါ် သခင်လိုဆက်ဆံမည်။ အိမ်ထောင်ဖက်၏ ဝတ်ကြီးဝတ်ငယ် အသွယ်သွယ်ကို ဆောင်ရွက်ပေးမည်။ လင်ယောက်ျား၏ ဆူပူမာန်မဲမှုကိုလည်း သည်းခံမည်။ အိမ်မှုကိစ္စ အဝဝကိုလည်း ကျေပွန်မည့် ထာဝရ အဆွေခင်ပွန်းကောင်းဖြစ်မည်။
ကဲ... နောက်ဆုံးကတော့ အမျိုးသားတစ်ယောက် အိမ်ထောင်ပြုတဲ့ အသက်အပိုင်း အခြားကို တွက်ကြည့် လိုက်လို့ ညံ့နေတာမျိုးတွေ တွေ့ရင်လည်း ယတြာလုပ်လို့ရအောင် တစ်ခါတည်း ဖော်ပြပေးလိုက်ပါ တယ်။
နေ့သား စိုက်ရန်အပင်နှင့် အရပ်မျက်နှာ
တနင်္ဂနွေ အနောက်အရပ်တွင်အုန်းပင်စိုက်ပါ။
တနင်္လာ အနောက်မြောက်အရပ်တွင် ကံ့ကော်ပင်စိုက်ပါ။
အင်္ဂါ မြောက်အရပ်တွင် ဇီးပင်စိုက်ပါ။
ဗုဒ္ဓဟူး အရှေ့မြောက်အရပ်တွင် ရွက်လှပင်စိုက်ပါ။
ရာဟု တောင်အရပ်တွင်ရှောက်ပင်စိုက်ပါ။
ကြာသပတေး အရှေ့တောင်အရပ်တွင် ပိန်းပင်စိုက်ပါ။
သောကြာ အနောက်တောင်အရပ်တွင် သီဟုဠ်ပင်စိုက်ပါ။
စနေ အရှေ့အရပ်တွင် ဒန်းပင်စိုက်ပါ။
မိမိနေအိမ်တွင် စိုက်ရန်နေရာမရှိပါက နေအိမ်မှကြည့်သော် မိမိ၏ တေဇအရပ်ရှိ လွတ်သောမြေတွင်ဖြစ်စေ၊ ဘုန်းတော်ကြီးကျောင်း၌ဖြစ်စေ၊ မွေးနံပင် စိုက်ပျိုးနိုင်သည်။ အညံ့ကင်း၍ အေးချမ်းသာယာ အဆင်ပြေသွားမည် ဖြစ်ပါကြောင်း ပြောပြလိုက်လေတော့၏။
ကျွန်ုပ်၏ မိတ်ဆွေ လူပျိုကြီး ကိုလူအေးသည် နောင်သုံးလ လောက်အကြာတွင် ကျွန်ုပ်ထံသို့ သူ၏ မင်္ဂလာဆောင် ဖိတ်စာကို ပေးပို့လိုက်လေ၏။ သတိုးသမီး၏ အမည်ကို ဖတ်ကြည့်လိုက်လေရာ မအေးသောင်းဟု အမည်ရလေ၏။ မင်္ဂလာဆောင်သို့ ကျွန်ုပ် ရောက်ရှိ၍ သတိုးသမီးကို အမှတ်မထင် အကဲခတ် ကြည့်လိုက်လေရာ သူ့ထက် အသက် ၅-နှစ်လောက် ကြီးမည်။ သွားခေါခေါ ပါးရည်နားရည်များပင် တွန့်နေ၏။ မျက်နှာပေါ်တွင် မိတ်ကပ်များ လိမ်းကြံထာသည်မှာလည်း တော်တော် ရုပ်ဆိုးနေ၏။ ထို့ကြောင့် ကျွန်ုပ်လည်း အောက်ပါ ရှေးစကားပုံတစ်ခုကို ပြန်လည် အမှတ်ရလိုက်လေတော့သတည်း။
အော်.... ကို လူအေး ကိုလူအေး ရွေးလွန်းလျှင် မရ - သေးလွန်းလျှင်မလှ ဆိုသလို ရွေးလွန်းအားကြီးတဲ့ ကိုလူအေးတစ်ယောက် မရ-ရတာ ယူလိုက်ရတာပဲ ဖြစ်မယ်ဟု တစ်ယောက်တည်း တွေး၍ ပြုံးလိုက်မိလေတော့သတည်း။
သင်တို့၏အကျိုးကိုထာဝစဉ်လိုလားသော
ဆရာဟိန်းတင့်ဇော်
ထိုင်းနိုင်ငံ-မဟာချိုင်မြို့
No comments:
Post a Comment