မုန့်ကိုသာ ဝေစားချင်စားမယ်-အချစ်ကိုတော့ ဝေမစားနိုင်ဘူး

တစ်နေ့သ၌ ကျွန်ုပ်၏ ဗေဒင်လက္ခဏာဟောခန်း အတွင်းသို့ အသက်အရွယ်အားဖြင့် (၃၅)နှစ်ခန့်ရှိသော မဝေဟု အမည်ရသော အမျိုးသမီးတစ်ဦး ၀င်ရောက်လာလေ၏။ ထိုအမျိုးသမီးသည် စကားပြောလျှင် “ဝေကလေ- ဝေကလေ” ဟု ပြောဆိုလေ့ရှိ၏။ ထိုအမျိုးသမီးသည် ကျွန်ုပ်၏ အခန်းတွင်းသို့ ရောက်လျှင်ရောက်ခြင်း ကျွန်ုပ်အား ဗေဒင်ကိစ္စနှင့် လားလားမျှ မဆိုင်သော အောက်ပါမေးခွန်းအား မေးလေ၏။

ဒီမှာ ဆရာ။ ဆရာ လူတစ်ဦးတစ်ယောက်ကို နင့်နင့်သီးသီး ချစ်ဖူးလား...ဟု မဆီမဆိုင် လာမေးလေ၏။ ထိုအခါ ကျွန်ုပ်ကလည်...ဘယ်လိုဖြစ်တာလဲ မဝေရယ်။ ဗေဒင်ဆရာဆီလာတာ ဗေဒင်မမေးဘဲ ဘယ်နှယ့် အချစ်အကြောင်း အင်တာဗျူး လာမေးနေရတာလဲဟု ပြန်ပြောလိုက်လေ၏။ ထိုအခါ မဝေက ...

စိတ်မရှိပါနဲ့ ဆရာရယ်။ ခု ကျွန်မပြောမယ့် စကားတွေဟာ အချစ်အကြောင်းကို နားလည်တဲ့ လူတွေ၊ ခံစားတတ်တဲ့လူတွေ၊ ချစ်တတ်တဲ့ လူတွေကို ပြောပြမှကောင်းမယ့် ကိစ္စမို့လိုပါ။ ဆရာာလို အချစ်အကြောင်း နကန်းတစ်လုံးမှ နားမလည်တဲ့ လူကို ပြောပြရင် ကျွန်မကို ဆရာက နားလည်ပေးမှ ပေးပါ့မလားလို့ တွေးမိလို့ပါဆရာဟု ကျွန်ုပ်အား ပေါ်တင်ကြီး ဆော်လေတော့၏။ ထို့ကြောင့် ကျွန်ုပ်က...

အော် ဒီလိုလား၊ အင်းပေါ့လေ ကျွန်တော်တို့က မဝေတို့လောက်အချစ်အကြောင်း ဘယ်သိပါ့မလဲ။ ဘယ်ကျွမ်းပါ့မလဲဗျာ။ ၀န်ခံပါတယ်။ ဒါပေမယ့် ကျွန်တော်သိတာ တစ်ခုတော့ရှိတယ်။ မဝေတို့ ပြောတဲ့အချစ်ဆိုတာ တော်တော်လေးတော့ ပူလောင်တယ်။ လောင်မြိုက်စေတယ်။ ဒါကြောင့် အချစ်ဆိုတာကြီး ကို မလိုချင်ဘူး။ ချစ်ခြင်း မုန်းခြင်းကင်းတဲ့ စိတ်ဓာတ်မျိုးကို ကြိုက်တယ်၊ လိုချင်တယ်။ အဲဒီလို ဖြစ်အောင်လဲ လေ့ကျင့်နေတယ်ဟု ကျွန်ုပ်က ပြန်ပြောလိုက်လေလျှင် မဝေက...

မှန်တာပေါ့ ဆရာရယ်။ အချစ်ဆိုတာ လူတွေကို သိတ်ပူလောင်စေတာပေါ့။ သိတ်ပြီး လောင်မြိုက်စေတာပေါ။ အရမ်း ချစ်တတ်တဲ့ နှလုံးသားဟာ အရမ်းခံစားရတယ်ဆိုတာ အမှန်ပဲပေါ့ဆရာရယ်။ အခု ကျွန်မ ဖြစ်နေတာ အဲဒီ အချစ်ဒဏ်တွေပေါ့။ ဆရာပြောတဲ့ သဘောတရားတွေကို မဝေ သိပါတယ်ဆရာ။ ဒါပေမယ့် မဝေစိတ်ကို ဘယ်လိုမှ ပြင်ဆင်လို့ မရဘူး။ အခု ကျွန်မ ဆရာဆီကို လာပြီး အကူအညီတောင်းတယ်ဆိုတာလဲ အဲဒီ ကိစ္စပါပဲဆရာဟု ပြန်ပြောလေ၏။ ထိုအခါ ကျွန်ုပ်က...

ဘယ်လို ဖြစ်ရတာလဲ မဝေရယ် ကျွန်တော်ကိုလည်း အကြောင်းစုံပြောပြစမ်းပါဦးဟု ပြန်ပြောသောကြောင့် မဝေသည် သူမ၏ အဖြစ်အပျက်အား အောက်ပါအတိုင်း ပြောပြလေတော့၏။

ဒီလိုပါဆရာ။ ကျွန်မမှာ အိမ်ထောင်ရှိပါတယ်။ သူနာမည်က ကိုသက်ဦးလို့ခေါ်ပါတယ်။ သားသမီးနှစ်ယောက်ရှိပါတယ်။ အခုဆိုရင် ကျွန်မတို့ အိမ်ထောင်သက်တောင် (၈)နှစ်ထဲတောင်ရောက်နေပါပြီ ဆရာ။ အခုတလော ကိုသက်ဦးတစ်ယောက် အချိုးတွေပြောင်းနေတယ်ဆရာ။ ကျွန်မနဲ့ ကလေးနှစ်ယောက်ကို အရင်လို ဂရုမစိုက်တော့ဘူး။ မနွေးထွေးတော့ဘူး။ အဲဒါ ကျွန်မက မသင်္ကာလို့ သူနဲ့ တစ်ရုံးတည်းလုပ်တဲ့ ကျွန်မ အသိတစ်ယောက်ကို စုံစမ်းကြည့်လိုက်တော့ ကိုသက်ဦးလေဆရာ။ ကျွန်မတို့ တစ်လမ်းကျော်က မိန်းမတစ်ယောက်နဲ့ ဇာတ်လမ်းရှုပ်နေတယ် ဆရာဟု ဒေါသသံဖြင့် ပြောပြလေ၏။ ထိုအခါ ကျွန်ုပ်က...

ဟုတ်လို့လား မဝေရယ်။ ကိုယ်စိတ်က ထင်နေတာလဲ ဖြစ်နေပါဦးမယ်။ တစ်ခါတလေကြတော့ အဲဒီ အထင်ဆိုတာတွေက ကျွန်တော်တို့ ခင်ဗျားတို့ကို တော်တော်လေး ဒုက္ဒပေးတတ်တယ်။ အထင်ဟာ အထင်သာ ဖြစ်ပြီး အမှန်တရား မဖြစ်တဲ့အခါတွေ အများကြီးပဲ။ အထင်ဆိုတဲ့ စိတ်က သံသယတွေကို မွေးဖွားစေတယ်။ တဖြည်းဖြည်းနဲ့ အဲဒီ သံသယဟာ ကြီးမားရင့်သန်လာပြီး ပြဿနာတွေကို ပိုပြီး ရှုပ်ထွေးစေတယ်။ မိသားစု ဘ၀တွေကို ပိုပြီး ပြိုကွဲစေတယ်ဟု ကျွန်ုပ်က ပြန်ပြောလိုက်လေလျှင် မဝေက...

အထင်မဟုတ်ဘူး ဆရာရေ။ အမြင် အမြင်။ ကျွန်မကိုယ်တိုင် ဒီမျက်စိနဲ့ကို တပ်အပ်မြင်တာ။ အစ ပထမတုန်းကတော့ ကျွန်မလည်း ဆရာပြောသလို ငါ့စိတ်က ထင်တာပဲ ဖြစ်မှာပါလေလို့ ထင်ခဲ့တာ။ ပြီးခဲ့တဲ့ တစ်ရက်ကမှ အလုပ်ပိတ်ရက်ကြီး အိုတီရှိတယ်ဆိုပြီး အိမ်ကနေ ထွက်သွားလို့ ကျွန်မက နောက်ကနေ လိုက်ချောင်းကြည့်တာ။ အဲဒီကောင်မနဲ့ အင်းစိန်က တည်းခိုခန်းတစ်ခုကို ၀င်သွားတာ။ ကျွန်မ မျက်လုံးနဲ့ကို တပ်အပ်မြင်တာ။ မလွဲတော့ဘူး ဆရာရေ။ လုံးဝကို မလွဲနိုင်တော့ဘူးဟု ပြန်ပြောလေ၏။

ကဲဗျာ။ ဒီလောက်တောင် သေချာနေရင်တော့ ကျွန်တော် ကူညီပေးပါ့မယ်။ ဒါပေမယ့် ဒီယတြာကို လုပ်မယ်ဆို ရင်တော့ အဲဒီမိန်းကလေးရဲ့ နာမည်ကို သိရမယ်။ ဓာတ်ပုံရှိရင်တော့ ပိုကောင်းတယ်။ နေ့နံတွေဘာတွေ သိရင်လည်း ပိုပြီး ပြည်စုံတာပေါ့။ ဘာမျမရှိရင်လဲ ရတော့ရပါတယ်။ သူ့နာမည်နဲ့ လုပ်လို့ရပါတယ်ဟု ပြန်ပြောလိုက်လေရာ မဝေက...

မြန်မြန်ပြောစမ်းပါ ဆ၇ာရယ်။ ကျွန်မ သိချင်လှပြီ။ ဘယ်လို လုပ်၇မလဲဟု အလောတကြီး ပြန်မေးလေသောကြောင့် ကျွန်န်ုပ်သည်အောက်ဖော်ပြပါ ယတြာကို မဝေအား ပြောပြလိုက်လေ၏။

အိမ်ထောင်ရေးအနှောက်အယှက်ကို ပြုလုပ်သောယတြာ

နှောက်ယှက်သောနေ့သားသမီး	ရိုက်ရမည်အသား
တနင်္ဂနွေ	ဇီးသား(အင်္ဂါနံအသား)
တနင်္လာ	လင်းလွန်းသား/၀ါး(ဗုဒ္ဓဟူးနံအသား)
အင်္ဂါ	ပျဉ်းမ/ပိတောက်(ကြာသပတေးနံအသား)
ဗုဒ္ဓဟူး	သီးသား/သီဟိုဠ်သား
ကြာသပတေး	ထိန်/ဓနိ/ဒါန်းသား
သောကြာ	အင်သား/အုန်းသား
စနေ	ကံ့ကော်/ကျွန်း/ကုက္ကို

အဲဒီတော့ ပထမဦးဆုံး ကိုယ့်လင်သို့မဟုတ် ကိုယ်မိန်းမကို နှောက်ယှက်နေတဲ့ သူရဲ့ နေ့နံကို အရင် သိအောင် လုပ်ရမယ်။ နောက်ပြီး ကဒ်ထူစက္ကူမှာ အဲဒီ မိန်းမ ဓာတ်ပုံကို ကပ်ရမယ်။ ဓာတ်ပုံမရှိရင်တော့ ကတ်ထူးပြားမှာ သူ့နာမည်ကိုရေးပေါ့။ ပြီးရင် အစောန ပြောခဲ့တဲ့ အသားနဲ့ မနှောက်ယှက်နဲ့၊ မနှောက်ယှက်နဲ့လို့ ပြောပြီး ရိုက်ပေတော့။ ဘယ်နှစ်ချက် ရိုက်ရမယ်ဆိုတာ မပါဘူး။ အားရင် အားသလိုသာ ရိုက်ပေတော့ဟု ပြောပြလိုက်လေရာ မဝေက...

ကျေးဇူးတင်ပါတယ် ဆရာ။ ဒီယတြာကို ဆက်ဆက်လုပ်ပါ့မယ်။ အခု လာတုန်းတစ်လက်စတည်း ကျွန်မယောင်္ကျားနဲ့ ကျွန်မ အိမ်ထောင်ကွဲကိန်းရှိလား တစ်လက်စတည်း မေးပါရစေ။ နည်းနည်းလောက် တွက်ပေးပါဆရာရယ်ဟု ပြောလေသောကြောင့် ကျွန်ုပ်လည်း မဝေ၏လက်ကို ရေမွှေးဆွတ်ဖြန်း၍ ဘယ်ဘက်လက်ဖြင့် တားရော့ကို တစ်ဝက်ချိုးခိုင်းလိုက်လေရာ အောက်ပါ နံပါတ်(၂၀)တားရော့ ရှင်ပြန်ထမြောက်ကဒ်ကျလာလေတော့၏။

ထို့ကြောင့် ကျွန်ုပ်လည်း မဝေအား ဘာမှ စိတ်မပူနဲ့ မဝေရေ။ ခင်ဗျားတို့ လင်မယားက ကွဲဖို့မပြောနဲ့။ အဆင်မပြေရာကနေ ပြန်လည်ပြီး အဆင်ပြေလာပါလိမ့်မယ်။ ရဲရဲကြီး အားမခံပါတယ်ဗျာဟု ပြန်လည်၍ ပြောပြလိုက်လေတော့သတည်း။


လင်မယားချစ်ခြင်းအပြစ်ကင်းကြပါစေ
သင်တို့၏အကျိုးကိုထာဝစဉ်လိုလားသော
ဟိန်းတင့်ဇော်